東涌長發街市經裝修後早幾日正式開張，民建聯立法會議員陳恒鑌（阿Ben）尋日就去視察過，鏡頭一影門口就見到有隻船喺度裝飾，街市亦都改咗名叫青衣市場。
行咗一陣，阿Ben就話覺得啲裝修幾有漁村風味，室內空氣都幾流通，而且同之前東涌逸東邨街市裝修都幾似，有一個獨特嘅主題。阿Ben行行嚇見到街市中間有一個藍色嘅大電視一直播住魚類水中暢泳嘅動畫，仲講笑話好似水族館。
阿Ben行完之後就話，其實佢最關注整個街市運作可唔可以保持、租金可唔可以維持合理，佢地會繼續留意街市嘅運作情況。佢又呼籲去過街市嘅朋友留言畀佢，等佢可以跟進相關問題。
