哈⁈誰說北京只有清華北大?霧霾之下體驗京味兒BBQ「擼串」是什麼感覺?「我也是醉了」、「666666」……唔明咩意思?世界那麼大,快出來看看吧。好啦,這是我的畢業禮,等我話畀你知我喺北京的那些年。
我的畢業感想:
咁講真都有啲唔捨得,始終四年同學咁大家都經歷咗好多開心同唔開心嘅事。——Wendy
畢業最唔捨得嘅其實係好多同學仔,呢四年之後就未必有機會再見到。——Derek
我真係好唔捨得呢個校園,好想繼續去同同學仔一齊翻學。——Christy
要脫離校園生活進入社會,離開身邊咁多好朋友,唔可以好似以前咁比較偷懶要努力,為自己負責任。——Donald
我喺北京嘅收穫:
覺得自己會獨立咗啦,無論係學習定係生活方面都會有啲進步。——Wendy
除咗更理解大陸嘅文化之外,創業嘅過程中都遇到好多好好玩嘅事情。——Derek
呢四年入邊認識左好多唔同嘅朋友,感受唔同地方嘅文化,覺得我收穫好多,增長左唔少嘅閱歷。——Christy
最大嘅收穫就係學習到內地嘅教育方式,仲有普通話。然後就係交到好多新朋友。——Donald
我有時都要「頂硬上」:
空氣真係好恐怖,冬天嘅時候,覺得成個天都好似係灰色嘅,咁有時我都唔係好敢出門口。——Wendy
我都唔見咗好多「兩個轆」嘅嘢,去到石景山我地都捉唔到人嘅,凈係見到架車解體咗。——Derek
有啲同學仔唔係晚晚沖涼,我會覺得「點解咁奇怪嘅啲人,好似唔沖涼好邋遢好污糟喎」。——Christy
交通真係非常之唔方便,又塞車、又塞人,乜都塞。——Donald
我們一起做潮童:
「少來」,即係「慳翻啲啦」類似咁樣嘅意思,講起身覺得自己好似好有北方人嘅感覺。——Wendy
「我也是醉了」,即係話「我真係服咗你啦」。——Derek
「世界很大,我想去看看」,就係話「呢個世界好大,我想周圍去睇下」,我覺得好啱。——Christy
「66666」就係普通話入面「非常溜」,讚一個人一啲方面做得非常之好啊。——Donald