圖：黃氏父子閒時便約友人打波過日晨

　　身兼多職，如何分配時間與家人相處？黃光耀就以「戴帽」理論來形容角色，係角色，唔係顏色，唔好想錯隔籬。黃光耀話，身份會隨地方環境改變，就好似戴好多頂帽，清楚自己角色幾時要轉帽，返到公司喺老闆面前就要轉戴下屬頂帽，家中就係人夫及父親，萬不能將情緒互相帶到不同帽子上。

　　Work-life-balance—系統分配時間對家庭好重要。現時5天工作，盡量減少應酬，加上早排新冠肺炎疫情，黃光耀更是大條道理留家，利用周六、日假期陪家人，原先留學美國的兒子，因為避「炎」回流返港，見面多了，與家人關係更加親密。黃說：「幸福不是必然，有啲夫妻因為見面多咗，摩擦反而多咗。」

　　回港的兒子正於港大兼職負責網頁設計等，待疫情穩定再回美復課。其實其子極有可能係本港網球壇的明日之星。

　　黃光耀夫婦酷愛網球，由拍拖到婚後，每個周末也會在網球場度過，黃對網球的「發燒」程度，去到考埋網球教練牌。這份情懷直至誕下兒子亦無變過，更將呢份熱情感染到兒子，自幼薰陶下兒子亦愛上網球，黃甚至聘請專業教練提升兒子的球技。這份堅持亦換來機會，在學校一次選拔賽中，獲選代表參加校際賽，因出色球技其後代表香港到各地比賽，黃多次陪伴在側，飛過中國台灣、泰國、澳洲、卡塔爾等地。

　　黃坦言非常享受兩人獨處的時間，每次飛往比賽途中，父子除講球經外，亦討論人生和世界大事，藉機灌輸兒子正確價值觀，以正向思維面對比賽得失，嚴格來說，黃是兒子的人生導師。

　　這位人生導師，面對人生難題都可給兒子意見，但當講到打網球，黃笑說兒子已青出於藍，「佢依家仲叻過我，教番我轉頭，佢做我教練差唔多」。