眾所周知，農夫二人幽默搞笑，轉數又快，與星爺的第一次合作已經一拍即合，在配音工作中大放笑彈，二人見到星爺親筆簽名的摺櫈，嚷着話想要來珍藏，又拿着扮海報中的人物pose影相，更和星爺一同拿摺櫈合照留念！星爺不時與陸永C君兩人搭膊頭，工作過後更大讚兩人「平靚正」。
農夫二人今次分別為兩名戲中角色配音，C君形容自己的角色是一名已過氣的演員，而陸永就描述：「我是一名導演，戲中C君所配的角色就要拍我套電影，詳情就要入戲院睇看。」以往多次與鄭袼裕玲(Do姐)合作的農夫，今次他們要面對出名嚴厲的星爺，反而笑說：「講惡係無人類可以同Do姐媲美到，星爺都無鬧過我地，其實他對我地太仁慈善良喇。」他們更難得正經地分享從星爺身上學到什麼，C君：「星爺會循循善誘，佢會不斷問你意見，畀我地自由發揮，所以就在他提問中學到嘢。」陸永則讚嘆：「星爺有時會為我地示範點配，同一句都可以有好大分別，賺了好多經驗。」
問及為何會被星爺看上？他們卻搞笑自嘲：「其實係因為我地收得夠平，又無嘢撈，夠晒得閒。」雖然收得平，但農夫一見到星爺就問：「有冇飯盒食？」星爺回覆：「無！」陸永即說：「無飯盒唔緊要架！我唔食飯都得！」三人你一言我一語後，星爺補充：「佢地啲喜劇元素係不斷爆發，佢地應該係平靚正。」農夫更乘機向星爺偷師，要他贈二句如何成為「喜劇之王」，星爺瞬即發揮喜劇之王的本色，他回應：「好難架喎，用兩句就未必得，起碼要多啲時間。」
