大公網12月26日訊(記者陳惠芳)董敏莉於拆禮物日慶祝女兒滿月，因為湊女她患了「媽咪手」，但適逢 「拆禮物日」，董敏莉特為女兒穿上聖誕裝，第一次感受三人行的聖誕節。
董敏莉說:「過去一個月都專心湊女，大讚子子忍耐力高，她好乖啊，依家個人長高好多，我發現她忍耐力都好勁，朋友的BB有時去左小便都會喊要人換片，不過子子就會唔出聲，到我地發覺時已經差不多滲漏出來。今年聖誕都爸爸唔比我地出去玩，所以兩母女留屋企扮靚靚。」
Monie幫愛女穿聖誕衫時，子子「郁身郁勢」，還識用手撐起自己：「可能同我地玩得多有關，我們成日同佢玩Tummy Time，佢手臂練到好有力，有人話佢可能好快識轉身！」 初為人母的Monie就話「心理上」已習慣，但比愛女搞到「五勞七傷」：「我抱得太多，搞到依家有媽咪手，有時大動作些都好痛，唯有放慢個腳步去做嘢，甚至叫老公去開奶同抱個囡，我同子子成個女皇般享受聖誕節加滿月。（送什麼給女兒？）我已經送咗個包包面畀佢，似足我咁可愛，搞到爸爸都不時獻吻做禮物。」
