大公產品

首页 > 简体站 > 正文

創意「仁」/貓爸

時間:2018-11-14 03:19:09來源:大公報

  「任何仁」現身記者會,引起全城熱話。

  貓爸:小貓,有沒有睇過「任何仁」?

  小貓:網上瘋傳,藍色那個嘛,呢期最紅,點會冇睇過?

  貓爸:考下小貓,知不知道他代表哪個政府部門?

  小貓:別當我低B,消防處吉祥物嘛!

  貓爸:算你有留意新聞,覺不覺得他古古怪怪?

  小貓:爸B是否想問,覺不覺得他與消防處的形象唔夾?當然係~好唔夾!

  貓爸:即是說,消防處今次失策了?(貓爸假意問)

  小貓:考不倒我的,這不是失策,是成功突圍。

  貓爸:說說高見。

  小貓:講外形,「任何仁」的確古古怪怪,跟消防員和救護員的英雄正氣,好像一天一地,但創意爆燈就夠殺啦!

  貓爸:無口無面,木無表情,包到冚,咁叫有創意?

  小貓:有Gimmick(噱頭)就夠啦,冇得輸!

  貓爸:形象完全唔夾都得?

  小貓:點解唔得?現在人人鍾意睇段子,「任何仁」夠搞笑,又夠「搶」,入腦。

   見貓爸略猶豫,小貓再解說。

  小貓:就講「清潔龍阿德」,老老套套,教小朋友就得,點會啱我哋睇?

  貓爸:「大嘥鬼」呢,好像很「入屋」?

  小貓:勉勉強強,都跳不出小朋友卡通,好幼稚園feel!「任何仁」是另一個Level(級數),萬能Key,有想像空間。

  貓爸:「任何仁」好假噃!

  小貓:想睇真實,追《跳躍生命線》好過!

   貓爸忽然驚覺,別低估今日的年輕人思維。

最新要聞

最新要聞

最受歡迎