圖：嘗試用過二維碼收錢的檔主岑小姐表示，攤檔掛了微信二維碼兩年，至今不到10個人用\大公報記者賀仁攝

　　紅磡街市在上個月初疫下淪陷，爆逾13宗確診個案，部分涉及魚販，街市一度停運清潔，市民卻步，其中魚檔生意至今未能恢復正常水平。政府為加強防控疫情，將資助公眾街市租戶每戶五千元，自願安裝非接觸式付款系統。《大公報》記者連日訪問不同街市商販，他們普遍支持措施，但亦反映多種困難，最大的「攔路虎」為「手續費」高昂，其餘包括「數期」、「硬件配套」、「認知推廣」等都有困擾，如未能解決問題，恐怕不利長遠推行。\大公報記者 伍軒沛、吳嘉鈴、關據鈞

　　問題 ❶：手續費+數期

　　紅磡街市淡水魚檔檔販冼先生雖然支持電子支付，但卻被高達1.5%的手續費嚇怕而打退堂鼓，「1.5%好多。我賣100蚊魚，佢收我個半，但其實我賺約廿蚊唔夠。咁計法，其實佢食咗我利潤嘅差唔多一成，咁就好貴。」他表示，小數怕長計。「我為大家安全仲要自掏腰包？無數圍！我哋做街市，其實係薄利多銷型。」他又指出，另一個使他關注的問題就是電子支付往往有一定的到賬數期，因為他們的資金不多，但不少來貨都無數期，因此擔心會周轉不寧。

　　解決方法 ❶：政府應介入 定手續費上限

　　曾在信用卡公司工作的社區策展人、民建聯前區議員林琳關注電子支付應用問題，認為就交易費用和數期問題，政府一定要「積極干預」。「我接觸荃灣街市嘅人，佢哋最擔心都係呢樣嘢，因為其實真係好貴。」

　　她建議，政府可以參考早前歐盟的法例，將信用卡的交易費用減至僅0.3%的例子，將這些支付工具的手續費設立上限。「唔可以話係自由市場就唔理。特區政府對利息都有規管；對供電利潤都有規管。」她更說：「內地都收得唔貴，大約都係0.6%，咁香港有乜理由，同一件事，要收多人一倍嘅費用。」她認為，商經局等有關部門應該要積極跟金融機構商討，如何參考歐盟的做法，將香港推動成為一個「無現金」社會，同時亦要推動相關金融機構縮短數期：「『轉數快』做到即時，肯定唔係技術問題，而係人為問題。」

　　問題 ❷：硬件配套

　　冼先生指出，在魚、肉、菜等濕貨檔做八達通支付有難度，因為他們經常濕手，又要按不同價錢點擊不同數字，常碰機器容易壞，而且他認為即使實行了八達通支付，仍會有大部分人選擇現金支付，當人多的時候一手八達通一手錢，根本顧不上。他認為，其實可以參考如內地流行的二維碼的支付方式，商家只要預備一張過膠的二維碼貼在當眼位置，市民就可以自行支付，商家可以在收款手機接上揚聲器，可以不用看手機就聽聲知道入賬，比起易壞的機器來得實用。

　　解決方法 ❷：二維碼收費 成本低又方便

　　香港曾是最早推行電子支付的城市，但現時的發展又明顯落後。有經濟學者曾分析過內地電子支付快速發展，後來居上的原因，就在於「二維碼」支付形式，只須手機掃碼，無須硬件設備，成本低卻更方便。「內地係用二維碼，一掃就可以畀錢。香港嘅『轉數快』，係要入電話號碼或者銀行號碼。掃碼唔怕錯，但自己打數字就會錯。一錯就覺得煩，煩就唔會用。」

　　林琳建議，在硬件方面，政府可以考慮找尋生產力促推局或大學協助，推出一些適合濕街市用的電子支付工具；或參考內地濕街市的營運模式。「要考慮到好多檔販係一腳踢，收錢又係佢，賣嘢又係佢，同超市有人專收錢好唔同。」

　　問題 ❸：認知推廣

　　元朗大橋街市經營牛肉檔范婆婆（小圖）說，「我知內地都用支付寶、微信，自己都驚感染，『轉數快』嗰啲唔太識，但政府資助都支持，但香港都係用返八達通，可能申請會用八達通，其他就未必考慮。」

　　乾貨檔岑小姐有使用二維碼支付的經驗，「兩年前在舖頭申請微信，微信公司畀咗500元資助，但至今唔到10個人用。就算有商店用，市民未必會用，而且微信，『轉數快』要上網，街市網絡又太差，我為咗上網買咗個WiFi蛋。若果八達通就會申請，因為多啲香港人用。」

　　解決方法 ❸：藉抗疫良機推廣「轉數快」

　　港人愛用信用卡，但不同卡公司都要持續做推廣，曾在信用卡公司工作的林琳認為，在轉數快方面，推廣並不足夠。「政府不能錯過這個良機，個個講抗疫，先有強力推動力去做，連唔少公公婆婆都為咗普檢，先去學點樣上網登記，當一過咗呢個氣氛，政府就好難再推動。」她又建議民政署、創新科技署等可以聯同非政府組織，推動相關的電子支付教學計劃。

　　對於港人擔心私隱問題，她笑言，信用卡其實最多人用，反而較少人提私隱問題，「轉數快」其實更高私隱：「信用卡公司係做埋大數據，所以佢先知香港用卡買乜嘢類別嘅嘢最多。『轉數快』淨係知道A過咗錢畀B，唔會知你過數畀佢係還錢定係買嘢。」